А тоді, а тоді веселенька била

1. А тоді, а тоді веселенька била,
Як мя моя мамця на ручках носила. (2)

2. Юж єм ся оженив, юж буду жену мав,
Юж я вас, дівчата, не буду любував. (2)

3. Дівчата, дівчата, любуйтеся самі,
Ой, бо наші хлопці любляться з жінками... (2)

4. Фраїр мій, фраїр мій, а я його жена,
А я його жена, як ружа червена. (2)

5. Фраїр мій, фраїр мій, я тобі не вірю,
Же мя будеш любив, як ся зостарію. (2)

6. Дівчатко, дівчатко, можеш мі вірити,
Же я тя не буду на старість любити. (2)

Поділитись сторінкою: