Золотиста осене...

Травы, травы скошені, житечко доспілоє,
Золотиста осене, співаш у горах.
Шепче потÿк чистенькый, и отцвыло літочко,
И трембіта грає в глубокых зворах. 

Приспів:
  Дана, дана, гей, 
  Шіді-ріді, дана, гей!
  И трембіта грає в глубокых зворах.

В паутині, осене, ты у росах росишся, 
Сон-трава приспала зіллячко в лугу. 
Отгриміло літочко, отспівалась, осене,
Де я свою долечку и щастя найду?

Приспів: 
  Дана, дана, гей, 
  Шіді-ріді, дана, гей!
  Де я свою долечку и щастя найду? 

Засмучена осене, листячко осыпано, 
А доспілі яблыка пахнуть у саду.
Одлетіли ластівки, полонина скошена,
Я до тебе, осене, з радостьов иду.

Приспів:
  Дана, дана, гей, 
  Шіді-ріді, дана, гей!
  Я до тебе, осене, з радостьов иду.

Шепче потÿк чистенькый, 
И отцвыло літочко,
Одлетілы ластівки,
А трембіта грає в глубокых зворах.

Приспів:
  Дана, дана, гей, 
  Шіді-ріді, дана, гей!
  А трембіта грає в глубокых зворах.

Поділитись сторінкою: